У 1940 годзе вёску Ракі перадалі ў склад Літвы. Пакуль не было мяжы, ракоўцы езьдзілі ў касьцёл і царкву ў суседнія беларускія вёскі. Аднак пасьля распаду СССР і ўзьнікненьня мяжы гэта стала немагчыма. Праваслаўным, напрыклад, даводзілася езьдзіць за 100 км у Друскенікі. Таму ў 1995 годзе мясцовыя жыхары зрабілі ў будынку былой школы капліцу. Яна адначасова і каталіцкая, і праваслаўная.
