39 удзельнікаў з 13 краін Эўропы сабраліся ў «Красным Бары» на чэмпіянат Эўропы ў вабленьні аленяў.
Арганізатарамі выступілі Беларускае таварыства паляўнічых і рыбакоў і паляўнічая гаспадарка «Красны Бор». Удзельнікі спаборнічалі, хто лепш праімітуе розныя віды голасу аленя ў шлюбны пэрыяд.
Найлепшым вабільшчыкам Эўропы стаў вугорац Зольтан Бур. Другое месца таксама дасталася прадстаўніку каманды Вугоршчыны Атылю Цаку. Трэцім стаў француз Парпінэлі Віржыль.
У камандным заліку месцы разьмеркаваліся наступным чынам:
1-е месца – каманда Вугоршчыны;
2-е месца – каманда Славеніі;
3-е месца – каманда Славакіі.
Каманда Беларусі заняла чацьвёртае месца.
