Новы падкаст-цыкль Свабоды – «Невядомы Данчык». Гутаркі зь легендарным беларускім сьпеваком з Амэрыкі, нашчадкам сям'і Луцкевічаў Багданам Андрусышыным.
Сёлета спаўняецца 30 гадоў, як Данчык упершыню наведаў радзіму сваіх бацькоў. Але беларусы, якія і дагэтуль працягваюць слухаць ягоныя песьні, няшмат ведаюць пра свайго куміра. У размовах з Аленай Радкевіч Данчык дзеліцца невядомымі і вельмі асабістымі дэталямі свайго жыцьця.
Гаворыць Алена Радкевіч:
— Цягам тых гадзінаў, якія мы правялі з Данчыкам за запісам гэтых падкастаў, ён ня раз перабіваў сам сябе: «Можа, ня варта гэтага казаць? Ну, потым ты выражаш». Але нашы размовы абазначылі розьніцу культураў: так, у мяне не выклікала сумневу, што якраз тое, што яму здавалася занадта далікатным для таго, каб выносіць на публіку, варта пакідаць. Але іншае — асабістае, пра што ён гаварыў горача і з найбольшым болем — наадварот, спараджала ў мяне няўпэўненасьць: «Ці варта пра гэта так адкрыта казаць? Ці зразумее наша аўдыторыя?» У выніку пакінула і тое, у чым сумняваўся Данчык, і тое, што бянтэжыла мяне. Хто з нас меў рацыю — меркаваць слухачам.
Данчык тлумачыць, хто ён такі
- «Я ніколі не хацеў быць famous»
- «У нас у сям’і не прынята было казаць I love you»
- «Быць першым пакаленьнем у эміграцыі — крыху шызафрэнічна»
- «Я думаю як амэрыканец»
- «У мяне была „кухонная“ беларуская мова»
- «Спачатку ў сям’і гаварылі па-украінску, а тады мама прынцыпова пачала толькі па-беларуску»
Што такое падкаст?
Падкаст — гэта радыё, але лепшае. Гэта аўдыё- або відэаперадача, якая публікуецца ў інтэрнэце. Як і радыёперадачы, яны часта дзеляцца на цыклі, сэзоны, асобныя часткі і прысьвечаныя канкрэтнай тэме.
Падкасты значна зручнейшыя, чым радыё, бо іх можна слухаць у любы момант, без патрэбы сачыць за раскладам.
Як іх можна слухаць?
Падкасты Свабоды можна слухаць
- на нашым сайце;
- на відэаплятформе Youtube;
- на аўдыёплятформе SoundCloud;
- праз мабільныя праграмы (аплікацыі).
Для гэтага трэба спампаваць на свой тэлефон праграму (як на iOS, гэтак і на Android), знайсьці праз пошукавую сыстэму падкаст-канал, які вас цікавіць, і падпісацца на яго.
Аплікацыя сама вам паведаміць, калі зьявіцца новы выпуск падкасту. Вы можаце яго запампаваць на свой тэлефон і паслухаць у любы зручны для вас час.
А дзе можна знайсьці падкасты Свабоды?
Падкасты Свабоды даступныя ў RSS і ў такіх мабільных праграмах:
• iTunes
• Google Podcasts
• CastBox
• Podcast Addict
• Podcast Republic
• SoundCloud
Навошта слухаць, калі можна і пачытаць?
Бо падкасты можна слухаць тады, калі чытаць проста немагчыма.
- У аўтамабілі, аўтобусе, цягніку. Паўсюль, дзе бракуе сьвятла чытаць
- Падчас трэнаваньня ў фітнэс-залі
- Падчас яды (і піцьця)
- Падчас гатаваньня
- Падчас шпацыру
- Падчас выкананьня хатніх абавязкаў (вывешваньня бялізны, прасаваньня, мыцьця посуду)
- Падчас праполваньня бульбы
- На рыбе
- У лазьні ці ў душы
- Дадайце свае прапановы ў камэнтарах
Якія каналы ў Свабоды ўжо ёсьць?
- Інтэрвію
- Падарожжы з Бартосікам
- Чытальная заля
- Толькі жанчыны
- Стары Менск. Гісторыя зьнікненьня
- Мова пра мову
- Падарожжа ў БНР
- Бартосік. Клініка кітайскага дантыста
- Пад Лукашэнкам
- Нечаканы Скарына
- Невядомы Данчык
- Межы Беларусі
- Бацькі і дзеці
- Доўгая дарога дадому
- Сёмая вобласьць
- Доктар Мартаў. На вайне з COVID-19
Калі вам хочацца мець усе падкасты ў адным канале, то падпісвайцеся на гэты канал:
А гэта бясплатна?
Для вас — ТАК.
