Гарадзенца Андрэя Галавенку 10 траўня аштрафавалі на 1275 рублёў за рэпост кліпа Pussy гурту Rammstein, піша Hrodna.life. Рэпост кліпа Галавенка зрабіў у 2014 годзе.
Чаму аштрафавалі?
У сакавіку 2019 году Дзяржкамітэт судовых экспэртыз прызнаў кліп Rammstein «Pussy» забароненым да распаўсюду праз наяўнасьць парнаграфічных сцэн.
Як судзілі?
Сьледчы камітэт пачаў супраць Галавенкі крымінальную справу за распаўсюд парнаграфіі. Праз тэрмін даўніны справу перакваліфікавалі ў адміністрацыйную. Акрамя штрафу горадзенец мусіць сплаціць выдаткі на суд і правядзеньне экспэртызы.
Грошы на штраф і адваката Галавенка сабраў праз плятформу molamola.by за тры дні.
