Расейскі журналіст Сяргей Дарэнка ў эфіры тэлеканалу RTVi пракамэнтаваў навіну пра расейскі дзяржаўны крэдыт на 600 мільёнаў даляраў для Беларусі.
Дарэнка заявіў, што расейскі пасол у Беларусі Міхаіл Бабіч «атрымаў ад Пуціна карт-блянш» стаў першым палітычным канкурэнтам Лукашэнкі. «Бабіч — гэта першы палітычны канкурэнт Лукашэнкі з 1994 году, які вырве яму іклы», — заявіў Дарэнка.
«Калі б вы зараз сказалі мне: рабіце стаўкі, я б паставіў на Бабіча супраць Лукашэнкі два да аднаго. Бабіч яго вырабіць пад арэх», — сказаў расейскі журналіст.
Дарэнка назваў Лукашэнку «неверагоднай палітычнай жывёлінай», якая гадамі шантажуе увесь сьвет. «Я захапляюся яго хітрасьцю, якая, мабыць, замяняе яму інтэлект. Але хітрасьці столькі, што інтэлекту не трэба».
