Партыя прэзыдэнта Турэччыны Рэджэпа Таіпа Эрдагана пацярпела сурʼёзнае паражэньне на мясцовых выбарах 31 сакавіка, страціўшы кантроль над важнымі гарадамі па ўсёй краіне, у той час як у галоўнай апазыцыйнай партыі ёсьць шанцы перамагчы ў Анкары.
У Стамбуле пакуль яшчэ цяжка прадказаць зыход выбараў, улічваючы абвінавачваньні апазыцыі ў маніпуляцыях галасамі выбарнікаў.
Выступаючы перад журналістамі ў Стамбуле, Эрдаган прызнаў, што яго Партыя справядлівасьці і разьвіцьця пацярпела шэраг паражэньняў, і паабяцаў зрабіць высновы з галасаваньня.
Эрдаган таксама паабяцаў прыняць меры па стымуляваньні эканомікі, якая знаходзіцца ў рэцэсіі.
