Як яно на самой справе
Па выніках 2018 году адмоўнае сальда гандлю таварамі з Расеяй склала 9 мільярдаў 669 мільёнаў даляраў – пра гэта сьведчаць дадзеныя Белстату. Пра гэты дысбалянс у двухбаковым гандлі нагадаў віцэ-прэм'ер Беларусі Ігар Петрышэнка на нарадзе, прысьвечанай удзелу Беларусі ў інтэграцыйных структурах і супрацоўніцтву з эўрапейскімі арганізацыямі.
Аляксандар Лукашэнка на той жа нарадзе сказаў: «Па мінулым годзе мы ўсё роўна выйшлі на станоўчае сальда 700 млн долараў. А за кошт чаго мы перакрылі гэтыя 10 млрд даляраў? За кошт гандлю з Эўразьвязам».
Сапраўды, паводле дадзеных Нацыянальнага банку, сальда зьнешняга гандлю таварамі і паслугамі станоўчае і складае 694 мільёны даляраў. Паслугаў Беларусь у Расею прадае больш, чым купляе ў Расеі. У той жа час з Эўразьвязам Беларусь мае станоўчае сальда і ў гандлі таварамі, па выніках году яно склала прыкладна 3 мільярды даляраў.
Падзяліцеся ў сацыяльных сетках са сваімі сябрамі