Ці сапраўды ў 8-9-й клясе вывучаюць матэматыку, якую раней вывучалі ў ВНУ?

Насамрэч

У размовах са школьнымі настаўнікамі Свабода высьветліла, што праграмы па матэматыцы і фізыцы за 8-ю і 9-ю клясы значна не зьмяніліся. Напрыклад, у 8-й клясе вывучаюць квадратныя ўраўненьні і вучацца вылічваць дыскрымінант, вылічваць плошчу геамэтрычных фігур.

У 9-й клясе школьнікі вывучаюць рацыянальныя ўраўненьні і няроўнасьці, сыстэмы ўраўненьняў зь дзьвюма пераменнымі, арытмэтычную і геамэтрычную прагрэсіі.

Для параўнаньня, у ВНУ, як цяпер, так і раней, вывучаюць вышэйшую матэматыку. Вучацца, напрыклад, знаходзіць скалярны, вэктарны і зьмяшаны здабытак вэктараў, зададзеных у каардынатнай або ў любой іншай форме.