Ці праўда, што Facebook забараніў пісаць пра сэкс?

Насамрэч

Facebook абнавіў правілы. Цяпер будзе забаронены кантэнт, які заахвочвае да сэксу альбо можа быць расцэнены як сэксуальнае дамаганьне.

Напрыклад, будуць забароненыя аб’явы пра набор кандыдатаў для здымак порна, эратычных танцаў ці масажу; прапановы заняцца сэксам і запрашэнні ў сэкс-чаты; выказваньні з сэксуальным падтэкстам; сэксуальна-правакацыйны слэнг, намёкі на сэкс і эратычныя малюнкі. Напрыклад, цяпер нельга пісаць нешта кшталту «Хачу пазабаўляцца сёньня ўвечары». Прасьцей кажучы, напісаць «сэкс» на старонцы можна, але нельга пісаць «Я б сёньня заняўся сэксам з ...»

Новыя правілы распаўсюджваюцца як на асабістыя старонкі і групы, так і на перапіску ў мэсэнджары.