Адкрыты ліст на імя кіраўніка расейскай дзяржавы апублікавана ў Інстаграме скелетаністкі Алены Нікіцінай. Зварот таксама падпісалі бабслеісты Аляксандр Касьянаў, Аляксей Пушкароў, Ільвір Хузін і скелетаніст Аляксандр Трацьцякоў.
Незалежная камісія Сусьветнага антыдопінгавага агенцтва ў 2015 годзе прадставіла даклад аб дзяржаўнай падтрымцы выкарыстаньня допінгу ў расейскім спорце. Пасьля гэтага шматлікіх расейскіх спартоўцаў адхілілі ад міжнародных спаборніцтваў.
Толькі за апошнія тыдні Міжнародны алімпійскі камітэт пазбавіў Расею 11 з 33 мэдалёў Алімпіяды-2014 у Сочы, а зборная краіны страціла першае месца ў неафіцыйным заліку.
