Апошнія спадарожнікавыя здымкі могуць дэманстраваць, што КНДР рыхтуецца правесьці чарговае выпрабаваньне ядзернага зараду. На думку экспэртаў Амэрыканска-Карэйскага інстытуту пры Ўнівэрсытэце Джонса Хопкінса, падземны ядзерны выбух можа быць зьдзейсьнены ў любы момант пасьля атрыманьня каманды з Пхэньяну.
Пакуль не вядома, што азначае цяперашняя актыўнасьць на палігоне: гэта можа быць падрыхтоўка да ядзернага выбуху ці «тактычная паўза» паміж руціннымі апэрацыямі. Агулам Паўночная Карэя правяла пяць выпрабаваньняў ядзернай зброі з 2006 года, два з іх – у мінулым годзе.
