Лідэр партыі «Справядлівы сьвет» Сяргей Калякін:
«Людзкія пратэсты зьвязаныя ня толькі з дэкрэтам. Праблема ў тым, што жыць стала невыносна. Людзі патрабуюць, каб улада хоць нешта рабіла. Пра дэкрэт трэба забыцца. А сацыяльныя пратэсты будуць нарастаць. Улада загнала ў вугал краіну і людзей. З дапамогай арыштаў сытуацыю ня вырашыць».
Удзельнікі трымаюць бел-чырвона-белыя сьцягі. Сабралося каля дзьвюх тысяч людзей.
Анархісты бʼюць у барабаны.
Удзельнікі скандуюць «Сыходзь!»
Сяргей Калякін: Дэкрэт будзе выкарыстоўвацца супраць канкрэтных людзей
Старшыня партыі «Справядлівы сьвет» Сяргей Калякін на «Маршы недармаедаў» выказаў свае стаўленьне да пратэстаў і да дэкрэту № 3:
«Магчыма, уладам выгадна справакаваць беспарадкі, каб сілавым спосабам задушыць акцыю. Дэкрэт будзе выкарыстоўвацца як інструмэнт палітычнага ціску на канкрэтных людзей. Я ня бачу, як дзяржава можа вырашыць сацыяльныя праблемы людзей».
«Трэба дамагчыся адмены дэкрэту № 3», – кажа адна з удзельніц акцыі.
«Колькі каштуе беларусу прэзыдэнт?», «Хто сапраўдны дармаед? — Той, хто выдумаў дэкрэт», «Народу — работу, уладу — пад кантроль!», — трымаюць плякаты ўдзельнікі акцыі.
«Абяцаў адвесьці ад прорвы, а давёў народ да ручкі», — кажа адзін з удзельнікаў.
Неўзабаве пачнецца шэсьце.
Паводле карэспандэнта Радыё Свабода, на акцыі «Марш недармаедаў» у Менску 3-4 тысячы чалавек.
Пачалося шэсьце. Каля трох тысяч удзельнікаў, шмат новых людзей. Скандуюць «Не дэкрэту № 3. Лукашэнка, сыходзь».
Горадня. Сабралася некалькі соцень чалавек. Раздалі бел-чырвона-белыя стужкі.
Магілёў - каля 300 чалавек
У цэнтры Магілёву на вуліцы ленінскай на акцыю „недармаедаў“ сабралося каля трох соцен чалавек.
Менск
У Менску працягваецца шэсьце па вуліцы Сурганава. Людзі скандуюць «Свабоду!» Нясуць расьцяжку «Мы не дармаеды».
Магілёў
Горадня
Людзі гукаюць "Нет декрету №3 — Лукашенко, уходи!", "Хто галоўны дармаед? Беларускі прэзыдэнт", "Жыве Беларусь"… https://t.co/Cy3ORv3sDc
— Жывая Свабода (@svabodalive) 15.3.2017
"Куды нясеце, на Паўночныя?" — пытаюць пра труну. "Куды заўгодна, абы назаўжды", — кажа Дзьмітрыеў. #дармаеды https://t.co/VdNeekCbe3
— Жывая Свабода (@svabodalive) 15.3.2017
«Патрэбныя чэсныя выбары»
«Мы прыйшлі, каб нас пачуў прэзыдэнт», — кажа ўдзельніца менскага шэсьця з Бабруйску. «Трэба не замарожваць дэкрэт, а гнаць іх! Патрэбныя чэсныя выбары», — кажа ўдзельнік з Ваўкавыску.
Нехта нясе перавернуты дагары партрэт Лукашэнкі.
Марш дайшоў да вуліцы Якуба Коласа, празь яе ідуць толькі на зялёнае. Калёна пабілася на часткі, але першыя чакаюць… https://t.co/UN8MMKAI80
— Жывая Свабода (@svabodalive) 15.3.2017