Тэлекампанія CNN, спасылаючыся на вынікі апытаньня, праведзенага адразу пасьля завяршэньня дэбатаў ва Ўнівэрсытэце Хофстра паміж кандыдатамі ў прэзыдэнты ЗША дэмакратам Гілары Клінтан і рэспубліканцам Дональдам Трампам назвала пераможцам дэбатаў 26 верасьня Гілары Клінтан. Згодна з вынікамі апытаньня гледачоў тэлевізійнікамі, Клінтан прызналі пераможцам 62% апытаных, а Трампа — 27%.
У той жа час, паводле звестак CNN, мэтавая аўдыторыя, у якой праводзілася апытаньне, на 41% складалася з прыхільнікаў Дэмакратычнай партыі і на 26% — з прыхільнікаў Рэспубліканскай партыі.
Між тым штаб Дональда Трампа распаўсюдзіў у сацыяльных сетках зьвесткі апытаньня часопіса Time, згодна зь якімі пераможцам дэбатаў зьяўляецца менавіта рэспубліканец (з 59% галасоў супраць 41%).
