Пра гэта паведаміў на сваёй старонке ў Фэйсбуку журналіст і грамадзкі актывіст Глеб Лабадзенка.
«Зьвязаўся з рэанімацыяй Вушацкай лякарні. Інфармацыю даваць адмовіліся, сказалі толькі, што стан Валянціны Быкавай цяжкі. Падрабязьней — толькі асабіста і толькі блізкім сваякам. Перадачы, сказалі, ніякія не трэба, маўляў, усё ёсьць. Бяда ў тым, што найбліжэйшыя сваякі Валянціны Ўладзімераўны — гэта два пляменьнікі (дзеці Васіля Быкава), адзін жыве ў Гародні, другі ў Менску...», — піша ён.
У пятніцу зранку на Валянціну Быкаву напалі — ёй зламалі некалькі рабрынаў і руку.
У ліпені Валянціне Ўладзіміраўне споўніцца 90 год.
Здарэньне зь сястрой Васіля Быкава чамусьці ня трапіла ў афіцыйную зводку на Віцебскім абласным сайце МУС. Хаця вядома, што міліцыя і Вушацкі райвыканкам у курсе падзеяў.
