Кіраўнік польскага МЗС абяцаў у размове зь беларускімі ўладамі згадаць палітычныя, культурныя пытаньні, праблемы Саюзу палякаў і акрэдытацыі для замежных СМІ ў Беларусі, маючы на ўвазе тэлеканал «Белсат».
Вашчыкоўскі ў Курапатах: Зь беларускімі ўладамі будзем размаўляць пра ўсё, на што дазволіць час #PolskaBelarus https://t.co/h8bXPB68Ud
— Радыё Свабода (@svaboda) 22.3.2016
Конрад Паўлік і Вітальд Вашчыкоўскі ўшаноўваюць памяць польскіх ахвяраў у Курапатах
Міністар замежных справаў Польшчы з амбасадарам наведалі Курапаты, прачыталі малітвы ля крыжоў #PolskaBelarus https://t.co/Uogip5qE8V
— Радыё Свабода (@svaboda) 22.3.2016
Сымбалічная магіла польскіх ахвяраў у Курапатах
Курапаты. Польскія вайскоўцы нясуць вянок, які будзе ўскладаць на знак ушанаваньня памяці ахвяраў польскі міністар замежных спраў Вітальд Вашчыкоўскі
Міністар замежных спраў Польшчы Вітальд Вашчыкоўскі знаходзіцца з двухдзённым візытам у Беларусі.
Падчас візыту чакаюцца яго перамовы з Аляксандрам Лукашэнкам і кіраўніком беларускага МЗС Уладзімерам Макеем. Вашчыкоўскі таксама наведае Курапаты, Гародню і радзіму сваёй маці — Ваўкавыск.
Апошні раз кіраўнік польскага МЗС наведваў Беларусь у 2010 годзе — тагачасны міністар замежных спраў Польшчы Радаслаў Сікорскі прыяжджаў з кіраўніком зьнешнепалітычнага ведамства Нямеччыны Гіда Вэстэрвэле.