Кіраўнік Беларусі Аляксандар Лукашэнка вызваліў генэрал-маёра Алега Зямскова ад пасады начальніка ракетных войскаў і артылерыі — начальніка ўпраўленьня ракетных войскаў і артылерыі Генштабу Ўзброеных сіл Беларусі.
Указ падпісаны 23 чэрвеня, паведамілі ў прэзыдэнцкай прэс-службе. Прычына звальненьня не паведамляецца.
Алег Зямскоў нарадзіўся ў Маскве ў 1957 годзе. У сакавіку 2010 году прызначаны начальнікам ракетных войскаў і артылерыі — начальнікам упраўленьня ракетных войскаў і артылерыі Генэральнага штабу Ўзброеных сіл.
Сёньня ж Лукашэнка прызначыў начальнікам ракетных войскаў і артылерыі палкоўніка Генадзя Казлоўскага. Лукашэнка зрбаіў шэраг іншых кадравых прызначэньняў у вайсковай сфэры.
