Ва Ўкраіне рэзка абвастрылася супрацьстаяньне паміж уладай і нязгоднымі зь яе палітыкай людзьмі. У Кіеве адбыліся жорсткія сутычкі паміж сілавікамі і дэманстрантамі. Колькасьць ахвяраў вымяраецца дзясяткамі, пацярпелых — сотнямі. Паўстала Заходняя Ўкраіна. Перамовы паміж апазыцыяй і прэзыдэнтам, як і раней, ня маюць плёну.

Ці насамрэч дваццаць-трыццаць тысяч чалавек, ці нават увесь Кіеў, прэзэнтуюць усю Ўкраіну, выяўляюць волю ўсіх украінцаў? Глядзіце «бяз гальштукаў» зь Вячаславам Ракіцкім

Штурму ноччу ня будзе. Апазыцыя дамовілася зь Януковічам

Штурму Майдану, які сёньня плянавала ўлада, ня будзе, абвешчана замірэньне. Пра гэта заявіў лідэр «Бацькаўшчыны» Арсень Яцанюк пасьля сустрэчы лідэраў апазыцыі з прэзыдэнтам.

«Ёсьць пазытыўная навіна — штурм і зачыстка, якія плянаваліся, адменены. Зараз абвешчана замірэньне і пачатак перамоўнага працэсу для стабілізацыі сытуацыі», — цытуе словы Арсеня Яцанюка прэс-служба «Бацькаўшчыны».

Яцанюк адзначыў, што ўлады плянавалі «ўвядзеньне надзвычайнага становішча і начны штурм».

Сёньня кіраўнік СБУ Аляксандр Якіменка заявіў, што Служба бясьпекі Украіны і Антытэрарыстычны цэнтар пачынаюць падрыхтоўку да антытэрарыстычнай апэрацыі. Раней на сайце СБУ зьявілася паведамленьне аб пачатку антытэрарыстычнай апэрацыі ва Ўкраіне. Аднак пасьля гэтага паведамленьне з сайту СБУ зьнікла.

Сайт Януковіча: замірэньне і пачатак перамоваў

Замірэньне і пачатак перамоўнага працэсу — такія вынікі перамоваў паміж уладай і апазыцыяй у Адміністрацыі прэзыдэнта.

«Па выніках сустрэчы бакі абвясьцілі аб замірэньні і пачатку перамоўнага працэсу з мэтай спыненьня кровапраліцьця, стабілізацыі сытуацыі ў дзяржаве, дзеля грамадзянскага міру», — гаворыцца ў паведамленьні прэс-службы прэзыдэнта.

Кропкавыя санкцыі ЗША супраць рэжыму Януковіча

ЗША вырашылі адмяніць візы 20 прадстаўнікам кіраўніцтва Украіны, паведаміў у сераду на брыфінгу ў Дзяржаўным дэпартамэнце амэрыканскі чыноўнік, які прасіў не называць яго па імені.

Паводле яго слоў, ЗША гатовыя пайсьці і на далейшыя крокі ў каардынацыі з Эўрапейскім зьвязам, калі менавіта толькі адмена віз ня спыніць кровапраліцьце ва Ўкраіне.

«Януковіч парушыў алімпійскае замірэньне» — украінскія лыжнікі адмовіліся выступаць на Алімпіядзе ў знак пратэсту супраць гвалту на Майдане

На Майдане адбываецца ратацыя сілавікоў

Колькасьць сілавікоўу раёне майдану Незалежнасьці ў Кіеве застаецца нязьменнай. Як перадае карэспандэнт Радыё Свабода, цяпер адбываецца ратацыя ўнутраных войскаў і беркутаўцаў.

Асноўныя сілы спэцназу адышлі ўверх па вуліцы Інстытуцкай. Таксама нязначная частка сілавікоў знаходзіцца каля стэлы на Майдане Незалежнасьці.

Мітынгоўцы на Майдане падпалілі вадамёт.

Захопленага ў палон байца Ўнутраных войск абяззброілі і вядуць на сцэну.

Параненага шпіталізоўваюць

Хуткая дапамога прыехала на Майдан і забрала параненага агнястрэльнай зброяй, паведамляе ESPRESO.TV

Мітынгоўцы адціснулі "Беркут" з Майдана і занялі Кастрычніцкі палац.
Як мінінум двое параненых. Захопленыя ў палон некалькі сілавікоў.

Сілавікоў на Майдане незалежнасьці няма, паведамляе Espreso.tv

У палоне 23 байца “Беркута”, шмат параненых мітынгоўцаў, ёсьць забітыя, паведамляе Espreso.tv

Спэцназаўцы здаюцца мітынгоўцам

У эфіры Espreso.tv гучыць інфармацыя аб некалькіх беркутаўцах, якія здаліся ў палон.

На сцэне Майдану агучаная інфармацыя, што каля 3 тысяч байцоў Унутраных войскаў гатовыя здацца. Але патрабуюць гарантыяў іх жыцьця. Тры сотнікі Самаабароны накіраваныя на перамовы.

Афіцэры спэцназу разьбягаюцца

Вядоўца са сцэны паведаміў, што палоненыя спэцназаўцы кажуць, што афіцэры разьбегліся, застаўся толькі шараговы склад. Пацьвярджэньня гэтай інфармацыі з боку МУС няма.

Афіцэры спэцназу разьбягаюцца

Вядоўца са сцэны Майдана паведаміў, што палоненыя спэцназаўцы кажуць, што афіцэры разьбегліся, застаўся толькі шараговы склад.

На Майдане незалежнасьці загінула некалькі чалавек
Пад час штурму пазыцый спэцназу загінула некалькі чалавек. Шмат параненых.