Баранавіцкі праваабаронца Сяргей Гоўша паўторна падаў заяўку на правядзеньне пікету за вызваленьне Алеся Бяляцкага.
Пікет ён плянуе правесьці 12 верасьня а 18 гадзіне ў старым парку Баранавічаў.
Спадар Гоўша кажа, што улічыў падставы, з-за якіх адмовілі ў правядзеньні пікету 22 жніўня. Хоць і лічыць іх надуманымі.
«Гэтым разам я адзначыў у заяўцы месца правядзеньня пікету так, як мне напісалі чыноўнікі з гарвыканкаму ў мінулай адмове. Таму цяпер я ня бачу падставаў для адмовы. Тым больш што схему месца правядзеньня пікетаў, якую мне абяцаў намесьнік кіраўніка ідэалягічнага аддзелу гарвыканкаму Сяргей Пузікаў, я так і не атрымаў. Яны ўсё спасылаюцца на тое, што кіраўнік гарвыканкаму ў адпачынку, а безь яго схему намаляваць ня могуць», — кажа Сяргей Гоўша.
У заяўцы праваабаронца просіць, каб абяцаную схему месца пікетаваньня яму ўсё ж выдалі.
15 жніўня Сяргею Гоўшу адмовілі ў правядзеньні пікету за вызваленьне кіраўніка «Вясны» Алеся Бяляцкага. Пікет плянаваўся ў Баранавічах на 22 жніўня. Падставай для адмовы стала тое, што, на думку чыноўнікаў баранавіцкага гарвыканкаму, Сяргей Гоўша няправільна пазначыў плянаванае месца правядзеньня пікету.
Пікет ён плянуе правесьці 12 верасьня а 18 гадзіне ў старым парку Баранавічаў.
Спадар Гоўша кажа, што улічыў падставы, з-за якіх адмовілі ў правядзеньні пікету 22 жніўня. Хоць і лічыць іх надуманымі.
«Гэтым разам я адзначыў у заяўцы месца правядзеньня пікету так, як мне напісалі чыноўнікі з гарвыканкаму ў мінулай адмове. Таму цяпер я ня бачу падставаў для адмовы. Тым больш што схему месца правядзеньня пікетаў, якую мне абяцаў намесьнік кіраўніка ідэалягічнага аддзелу гарвыканкаму Сяргей Пузікаў, я так і не атрымаў. Яны ўсё спасылаюцца на тое, што кіраўнік гарвыканкаму ў адпачынку, а безь яго схему намаляваць ня могуць», — кажа Сяргей Гоўша.
У заяўцы праваабаронца просіць, каб абяцаную схему месца пікетаваньня яму ўсё ж выдалі.
15 жніўня Сяргею Гоўшу адмовілі ў правядзеньні пікету за вызваленьне кіраўніка «Вясны» Алеся Бяляцкага. Пікет плянаваўся ў Баранавічах на 22 жніўня. Падставай для адмовы стала тое, што, на думку чыноўнікаў баранавіцкага гарвыканкаму, Сяргей Гоўша няправільна пазначыў плянаванае месца правядзеньня пікету.
