Беларуская антыядзерная кампанія заклікала ўрад Беларусі вынесьці ўрок з трагедыі, што разгортваецца ў Японіі, і адмовіцца ад плянаў будаўніцтва атамнай станцыі ў краіне. Пра гэта гаворыцца ў распаўсюджанай удзельнікамі ініцыятывы адкрытай заяве ў сувязі з радыяцыйнымі аварыямі на некалькіх японскіх АЭС, што адбыліся пасьля вельмі моцнага землятрусу.
Падпісанты патрабуюць спыніць будаўніцтва АЭС на Астравецкай пляцоўцы ў Гродзенскай вобласьці, на месцы якой у 1909 годзе адбыўся землятрус сілай 7 балаў — наймацнейшы ў Беларусі.
"Мы зьвяртаемся да кіраўніцтва Беларусі з просьбай адмовіцца ад плянаў будаўніцтва АЭС і шукаць інвэстыцыі на мадэрнізацыю традыцыйнай і разьвіцьцё аднаўляльнай энэргетыкі", — гаворыцца ў заяве.
Удзельнікі беларускай антыядзернай кампаніі заклікалі ўрад і грамадзян Беларусі вынесьці ўрок з таго, што здарылася ў Японіі, і прызнаць, што бясьпечных АЭС не існуе.
"Доўгі час японскія ўлады з падачы атамных карпарацый запэўнівалі жыхароў краіны ў тым, што АЭС бясьпечныя і што выхад радыяцыі за іх межы немагчымы, нават у выпадку самага цяжкага землятрусу. Гэтыя запэўніваньні працягваліся нават тады, калі адбыўся выбух на АЭС "Фукусіма". Аднак факты абверглі "гарантыі" японскай атамнай прамысловасьці, — гаворыцца ў заяве. — Беларускія атамныя лабісты таксама заяўляюць, што беларуская АЭС зможа вытрымаць землятрус, падзеньне самалёта і іншыя зьнешнія ўзьдзеяньні, але ня толькі. Яны мяркуюць, што беларуская АЭС будзе бясьпечная, хаця на яе праектна-вышукальныя работы выдзяляюць усяго паўгода, нягледзячы на тое, што на такія работы затрачваецца ад двух да чатырох гадоў. Мы хочам нагадаць пра тое, што паскораная распрацоўка праектнай дакумэнтацыі чарнобыльскіх блёкаў — гэта адна з прычын катастрофы".
"Цяпер ў Японіі ідзе эвакуацыя з 30-кілямэтровай зоны. Ці можна пасьля гэтага верыць сьцьвярджэньням беларуска-расейскага атамнага лобі, што пры любой аварыі на беларускай АЭС эвакуацыя насельніцтва не спатрэбіцца? Ці трэба чакаць, пакуль новыя трагічныя факты абвергуць гэтыя заявы?" — падкрэсьліваецца ў дакумэнце.
Пад заявай падпісаліся ўдзельнікі кампаніі, расейскія і беларускія грамадзкія арганізацыі і грамадзяне, у тым ліку, Грамадзкае аб'яднаньне "Экадом", расейская група "Экаабарона!", аргкамітэт стварэньня руху "Вучоныя за бязьядзерную Беларусь" ды іншыя.
У Японіі 11 сакавіка адбыўся землятрус магнітудай 8,9 бала, адзін з наймацнейшых з 1933 году. Ён выклікаў цунамі, а таксама сэрыю падземных штуршкоў сілай вышэй за 6 балаў. Прыродная катастрофа пацягнула аварыі на японскіх атамных электрастанцыях. На АЭС "Фукусіма-1" і "Фукусіма-2" пасьля землятрусу быў уведзены рэжым надзвычайных сытуацый з-за выхаду са строю сыстэмы ахаладжэньня. На "Фукусіме-1" 12 сакавіка адбыўся выбух, пацярпелі чатыры чалавекі. Паводле інфармацыі Агенцтва па ядзернай і прамысловай бясьпецы Японіі, радыеактыўнае забруджаньне распаўсюдзілася за межы станцыі. Улады аб'явілі эвакуацыю насельніцтва ў радыюсе прыкладна 20 кілямэтраў вакол АЭС "Фукусіма-1". З небясьпечнай зоны эвакуіравана больш як 80 тысяч чалавек.
13 сакавіка на брыфінгу генэральны сакратар кабінэту міністраў Японіі Юкіё Эдана паведаміў, што існуе пагроза новага выбуху на адным з блёкаў японскай АЭС "Фукусіма-1", аналягічнага таму, што адбыўся ў суботу.
Як паведамлялася раней, Беларусь і Расея падрыхтавалі рамачнае кантрактнае пагадненьне аб будаўніцтве АЭС. Дакумэнт плянуецца падпісаць у траўні, паведаміў кіраўнік расейскай дзяржаўнай атамнай карпарацыі "Расатам" Сяргей Кірыенка 25 студзеня на сустрэчы ў Мінску з першым віцэ-прэм'ерам Уладзімерам Сямашкам. Паводле яго слоў, не пазьней за чэрвень павінна быць падпісанае крэдытнае пагадненьне паміж міністэрствамі фінансаў дзьвюх краін. Беларусь просіць у Расеі на будаўніцтва АЭС дзяржаўны крэдыт у 9 млрд. даляраў ЗША тэрмінам на 25 гадоў.
Паводле слоў Кірыенкі, у верасьні 2011 году пачнецца будаўніцтва катлавану на пляцоўцы, дзе будзе ўзьведзена АЭС. Увод першага блёка беларускай АЭС заплянаваны ў 2017 годзе.
Падпісанты патрабуюць спыніць будаўніцтва АЭС на Астравецкай пляцоўцы ў Гродзенскай вобласьці, на месцы якой у 1909 годзе адбыўся землятрус сілай 7 балаў — наймацнейшы ў Беларусі.
"Мы зьвяртаемся да кіраўніцтва Беларусі з просьбай адмовіцца ад плянаў будаўніцтва АЭС і шукаць інвэстыцыі на мадэрнізацыю традыцыйнай і разьвіцьцё аднаўляльнай энэргетыкі", — гаворыцца ў заяве.
Удзельнікі беларускай антыядзернай кампаніі заклікалі ўрад і грамадзян Беларусі вынесьці ўрок з таго, што здарылася ў Японіі, і прызнаць, што бясьпечных АЭС не існуе.
"Доўгі час японскія ўлады з падачы атамных карпарацый запэўнівалі жыхароў краіны ў тым, што АЭС бясьпечныя і што выхад радыяцыі за іх межы немагчымы, нават у выпадку самага цяжкага землятрусу. Гэтыя запэўніваньні працягваліся нават тады, калі адбыўся выбух на АЭС "Фукусіма". Аднак факты абверглі "гарантыі" японскай атамнай прамысловасьці, — гаворыцца ў заяве. — Беларускія атамныя лабісты таксама заяўляюць, што беларуская АЭС зможа вытрымаць землятрус, падзеньне самалёта і іншыя зьнешнія ўзьдзеяньні, але ня толькі. Яны мяркуюць, што беларуская АЭС будзе бясьпечная, хаця на яе праектна-вышукальныя работы выдзяляюць усяго паўгода, нягледзячы на тое, што на такія работы затрачваецца ад двух да чатырох гадоў. Мы хочам нагадаць пра тое, што паскораная распрацоўка праектнай дакумэнтацыі чарнобыльскіх блёкаў — гэта адна з прычын катастрофы".
"Цяпер ў Японіі ідзе эвакуацыя з 30-кілямэтровай зоны. Ці можна пасьля гэтага верыць сьцьвярджэньням беларуска-расейскага атамнага лобі, што пры любой аварыі на беларускай АЭС эвакуацыя насельніцтва не спатрэбіцца? Ці трэба чакаць, пакуль новыя трагічныя факты абвергуць гэтыя заявы?" — падкрэсьліваецца ў дакумэнце.
Пад заявай падпісаліся ўдзельнікі кампаніі, расейскія і беларускія грамадзкія арганізацыі і грамадзяне, у тым ліку, Грамадзкае аб'яднаньне "Экадом", расейская група "Экаабарона!", аргкамітэт стварэньня руху "Вучоныя за бязьядзерную Беларусь" ды іншыя.
У Японіі 11 сакавіка адбыўся землятрус магнітудай 8,9 бала, адзін з наймацнейшых з 1933 году. Ён выклікаў цунамі, а таксама сэрыю падземных штуршкоў сілай вышэй за 6 балаў. Прыродная катастрофа пацягнула аварыі на японскіх атамных электрастанцыях. На АЭС "Фукусіма-1" і "Фукусіма-2" пасьля землятрусу быў уведзены рэжым надзвычайных сытуацый з-за выхаду са строю сыстэмы ахаладжэньня. На "Фукусіме-1" 12 сакавіка адбыўся выбух, пацярпелі чатыры чалавекі. Паводле інфармацыі Агенцтва па ядзернай і прамысловай бясьпецы Японіі, радыеактыўнае забруджаньне распаўсюдзілася за межы станцыі. Улады аб'явілі эвакуацыю насельніцтва ў радыюсе прыкладна 20 кілямэтраў вакол АЭС "Фукусіма-1". З небясьпечнай зоны эвакуіравана больш як 80 тысяч чалавек.
13 сакавіка на брыфінгу генэральны сакратар кабінэту міністраў Японіі Юкіё Эдана паведаміў, што існуе пагроза новага выбуху на адным з блёкаў японскай АЭС "Фукусіма-1", аналягічнага таму, што адбыўся ў суботу.
Як паведамлялася раней, Беларусь і Расея падрыхтавалі рамачнае кантрактнае пагадненьне аб будаўніцтве АЭС. Дакумэнт плянуецца падпісаць у траўні, паведаміў кіраўнік расейскай дзяржаўнай атамнай карпарацыі "Расатам" Сяргей Кірыенка 25 студзеня на сустрэчы ў Мінску з першым віцэ-прэм'ерам Уладзімерам Сямашкам. Паводле яго слоў, не пазьней за чэрвень павінна быць падпісанае крэдытнае пагадненьне паміж міністэрствамі фінансаў дзьвюх краін. Беларусь просіць у Расеі на будаўніцтва АЭС дзяржаўны крэдыт у 9 млрд. даляраў ЗША тэрмінам на 25 гадоў.
Паводле слоў Кірыенкі, у верасьні 2011 году пачнецца будаўніцтва катлавану на пляцоўцы, дзе будзе ўзьведзена АЭС. Увод першага блёка беларускай АЭС заплянаваны ў 2017 годзе.
