Амбасада Расеі ў Менску лічыць непрымальнымі спробы беларускіх спэцслужбаў аказаць псыхалягічны ціск на арыштаваных расейцаў.
Расейская амбасада заявіла пра выпадкі псыхалягічнага ціску беларускіх спэцслужбаў на арыштаваных расійскіх грамадзянаў Арцёма Брэўса і Івана Гапонава.
"Спробы прадстаўнікоў беларускіх спэцслужбаў учыніць псыхалягічна застрашвальнае ўзьдзеяньне на нашых суайчыньнікаў непрымальныя. Паводле слоў таго ж Брэўса, яго прымушалі даць ілжывыя паказаньні адносна кантактаў з арыштаванымі лідэрамі беларускай апазыцыі і другім затрыманым расейцам" (Гапонавым), — заявіў агенцтву "Інтэрфакс" дарадца амбасады Расеі ў Менску Вадзім Гусеў.
"У адваротным выпадку нашаму грамадзяніну абяцалі перавод у СІЗА КДБ і "несалодкае жыцьцё ў калёніі", — сказаў дыплямат.
Паводле ягоных слоў, "амбасада рашуча выступае супраць падобных мэтадаў беларускага сьледзтва і заклікае беларускую пракуратуру да аб'ектыўнага разгляду справы расейскіх грамадзянаў".
Крымінальная справа ў дачыненьні да Арцёма Брэўса і Івана Гапонава 10 лютага накіраваная ў Менскі гарадзкі суд.
Пра гэта паведаміў агенцтву "Інтэрфакс" старшы памочнік пракурора Менску Сяргей Балашоў.
"Крымінальная справа па частцы 2 артыкулу 293 "Масавыя беспарадкі" Крымінальнага кодэксу Беларусі ў дачыненьні да двух расяянаў накіраваная ў Менскі гарадзкі суд для вызначэньня тэрытарыяльнай падсуднасьці", — паведаміў Балашоў.
На мінулым тыдні Брэўсу і Гапонаву зьмянілі выстаўленае раней абвінавачаньне з арганізацыі масавых беспарадкаў у Менску 19 сьнежня 2010 году на ўдзел у іх.
Брэўса і Гапонава затрымалі пасьля падзеяў на плошчы. 29 сьнежня Брэўс і Гапонаў выйшлі на волю і паўторна былі арыштаваныя.
3 лютага кіраўнік расейскага МЗС Сяргей Лаўроў назваў непрымальным знаходжаньне двух грамадзянаў Расеі пад арыштам у Беларусі:
“Выстаўленыя супраць іх абвінавачаньні выглядаюць, проста кажучы, несур’ёзна. Мы спрабуем цяпер дабіцца большай яснасьці ад нашых беларускіх калегаў”.
Расейская амбасада заявіла пра выпадкі псыхалягічнага ціску беларускіх спэцслужбаў на арыштаваных расійскіх грамадзянаў Арцёма Брэўса і Івана Гапонава.
"Спробы прадстаўнікоў беларускіх спэцслужбаў учыніць псыхалягічна застрашвальнае ўзьдзеяньне на нашых суайчыньнікаў непрымальныя. Паводле слоў таго ж Брэўса, яго прымушалі даць ілжывыя паказаньні адносна кантактаў з арыштаванымі лідэрамі беларускай апазыцыі і другім затрыманым расейцам" (Гапонавым), — заявіў агенцтву "Інтэрфакс" дарадца амбасады Расеі ў Менску Вадзім Гусеў.
"У адваротным выпадку нашаму грамадзяніну абяцалі перавод у СІЗА КДБ і "несалодкае жыцьцё ў калёніі", — сказаў дыплямат.
Паводле ягоных слоў, "амбасада рашуча выступае супраць падобных мэтадаў беларускага сьледзтва і заклікае беларускую пракуратуру да аб'ектыўнага разгляду справы расейскіх грамадзянаў".
Крымінальная справа ў дачыненьні да Арцёма Брэўса і Івана Гапонава 10 лютага накіраваная ў Менскі гарадзкі суд.
Пра гэта паведаміў агенцтву "Інтэрфакс" старшы памочнік пракурора Менску Сяргей Балашоў.
"Крымінальная справа па частцы 2 артыкулу 293 "Масавыя беспарадкі" Крымінальнага кодэксу Беларусі ў дачыненьні да двух расяянаў накіраваная ў Менскі гарадзкі суд для вызначэньня тэрытарыяльнай падсуднасьці", — паведаміў Балашоў.
На мінулым тыдні Брэўсу і Гапонаву зьмянілі выстаўленае раней абвінавачаньне з арганізацыі масавых беспарадкаў у Менску 19 сьнежня 2010 году на ўдзел у іх.
Брэўса і Гапонава затрымалі пасьля падзеяў на плошчы. 29 сьнежня Брэўс і Гапонаў выйшлі на волю і паўторна былі арыштаваныя.
3 лютага кіраўнік расейскага МЗС Сяргей Лаўроў назваў непрымальным знаходжаньне двух грамадзянаў Расеі пад арыштам у Беларусі:
“Выстаўленыя супраць іх абвінавачаньні выглядаюць, проста кажучы, несур’ёзна. Мы спрабуем цяпер дабіцца большай яснасьці ад нашых беларускіх калегаў”.
