Былы кіраўнік беларускага ўраду Сяргей Сідорскі мае намер прыкладна на паўгода адыйсьці ад актыўнай працы. Цягам гэтага часу экс-прэм'ер, які мае праблемы з цукровым дыябэтам, хоча паправіць сваё здароўе і адпачыць. Пра гэта "Свабодзе" стала вядома з крыніцы, блізкай да былога прэм'ера.
Гэта ж крыніца цьвердзіць, што найбольш верагодным працягам працы Сяргея Сідорскага стане месца амбасадара Беларусі ў Кітаі. Як ужо паведамлялася, Анатоль Тозік, які займаў гэтую пасаду, прызначаны віцэ-прэм'ерам.
Сяргей Сідорскі быў пятым кіраўніком беларускага ўраду пры Аляксандры Лукашэнку. Раней урад ачольвалі Міхаіл Чыгір, Сяргей Лінг, Уладзімер Ярмошын, Генадзь Навіцкі. Пяць дзён таму Аляксандар Лукашэнка прызначыў новага, ужо шостага, прэм'ера -- Міхаіла Мясніковіча.
Гэта ж крыніца цьвердзіць, што найбольш верагодным працягам працы Сяргея Сідорскага стане месца амбасадара Беларусі ў Кітаі. Як ужо паведамлялася, Анатоль Тозік, які займаў гэтую пасаду, прызначаны віцэ-прэм'ерам.
Сяргей Сідорскі быў пятым кіраўніком беларускага ўраду пры Аляксандры Лукашэнку. Раней урад ачольвалі Міхаіл Чыгір, Сяргей Лінг, Уладзімер Ярмошын, Генадзь Навіцкі. Пяць дзён таму Аляксандар Лукашэнка прызначыў новага, ужо шостага, прэм'ера -- Міхаіла Мясніковіча.
