22 сьнежня завяршыўся тэрмін падачы скаргаў на правядзеньне прэзыдэнцкіх выбараў у Беларусі. Рыгор Кастусёў — адзіны з кандыдатаў у прэзыдэнты, хто пасьпеў абскардзіць прызнаньне выбараў сапраўднымі. Яго заяву Цэнтральная выбарчая камісія будзе разглядаць у пятніцу, 24 сьнежня. У гэты ж дзень ЦВК мае намер і зацьвердзіць вынікі выбараў.
Аспрэчваць прызнаньне прэзыдэнцкіх выбараў сапраўднымі закон дазваляе толькі кандыдатам на найвышэйшую дзяржаўную пасаду. Пяцёра зь іх, як вядома, знаходзяцца за кратамі.
Рыгора Кастусёва сёньня а 10-й гадзіне раніцы выклікалі ў КДБ. Там ён знаходзіўся амаль восем гадзін. І першае, што зрабіў, як выйшаў з будынку Камітэту дзяржаўнай бясьпекі, пасьпяшаўся ў Цэнтральную выбарчую камісію. Дакумэнты кандыдат у прэзыдэнты здаў літаральна ў апошнюю хвіліну:
«Гэта ёсьць заява. Да яе прыкладзеныя 38 старонак скаргаў аб непрызнаньні выбараў сапраўднымі, 363 старонкі матэрыялаў назіраньня за выбарамі і два СD-дыскі з копіямі відэа- і радыёдоказаў парушэньняў».
Пытаюся ў спадара Кастусёва, ці зьбіраецца ён асабіста прысутнічаць на разглядзе сваёй скаргі ў Цэнтравыбаркаме. У адказ чую:
«Ня ведаю, якім будзе мой далейшы лёс. Ніхто ў гэтым ня ўпэўнены».
Спэцыяліст у галіне выбарчага заканадаўства Сяргей Альфер не разумее, як ЦВК, маючы такую аб’ёмную скаргу, зьбіраецца 24 сьнежня афіцыйна зацьвердзіць вынікі выбараў:
«Да паседжаньня трэба ж падрыхтавацца, прагледзіць матэрыялы, вывучыць іх. Мне здаецца, што 24-га немагчыма будзе зацьвердзіць вынікі выбараў».
Спадар Альфер згадвае, што і на папярэдніх выбарах кандыдаты ў прэзыдэнты спрабавалі дамагчыся прызнаньня іх несапраўднымі. Аднак плёну гэта ня мела:
«У 2001 годзе Ганчарык падаваў скаргу. У 2006 — Мілінкевіч і Казулін. Так што не было ніводных выбараў, каб не было скаргаў».
Кандыдаты ў прэзыдэнты Алесь Міхалевіч, Уладзімер Някляеў, Віталь Рымашэўскі, Андрэй Саньнікаў і Мікола Статкевіч, якіх затрымалі падчас акцыі 19 сьнежня, па-ранейшаму знаходзяцца ў сьледчым ізалятары КДБ. Ім пагражае да 15 гадоў пазбаўленьня волі.
Аспрэчваць прызнаньне прэзыдэнцкіх выбараў сапраўднымі закон дазваляе толькі кандыдатам на найвышэйшую дзяржаўную пасаду. Пяцёра зь іх, як вядома, знаходзяцца за кратамі.
Рыгора Кастусёва сёньня а 10-й гадзіне раніцы выклікалі ў КДБ. Там ён знаходзіўся амаль восем гадзін. І першае, што зрабіў, як выйшаў з будынку Камітэту дзяржаўнай бясьпекі, пасьпяшаўся ў Цэнтральную выбарчую камісію. Дакумэнты кандыдат у прэзыдэнты здаў літаральна ў апошнюю хвіліну:
«Гэта ёсьць заява. Да яе прыкладзеныя 38 старонак скаргаў аб непрызнаньні выбараў сапраўднымі, 363 старонкі матэрыялаў назіраньня за выбарамі і два СD-дыскі з копіямі відэа- і радыёдоказаў парушэньняў».
Пытаюся ў спадара Кастусёва, ці зьбіраецца ён асабіста прысутнічаць на разглядзе сваёй скаргі ў Цэнтравыбаркаме. У адказ чую:
Ня ведаю, якім будзе мой далейшы лёс.
Спэцыяліст у галіне выбарчага заканадаўства Сяргей Альфер не разумее, як ЦВК, маючы такую аб’ёмную скаргу, зьбіраецца 24 сьнежня афіцыйна зацьвердзіць вынікі выбараў:
«Да паседжаньня трэба ж падрыхтавацца, прагледзіць матэрыялы, вывучыць іх. Мне здаецца, што 24-га немагчыма будзе зацьвердзіць вынікі выбараў».
Спадар Альфер згадвае, што і на папярэдніх выбарах кандыдаты ў прэзыдэнты спрабавалі дамагчыся прызнаньня іх несапраўднымі. Аднак плёну гэта ня мела:
«У 2001 годзе Ганчарык падаваў скаргу. У 2006 — Мілінкевіч і Казулін. Так што не было ніводных выбараў, каб не было скаргаў».
Кандыдаты ў прэзыдэнты Алесь Міхалевіч, Уладзімер Някляеў, Віталь Рымашэўскі, Андрэй Саньнікаў і Мікола Статкевіч, якіх затрымалі падчас акцыі 19 сьнежня, па-ранейшаму знаходзяцца ў сьледчым ізалятары КДБ. Ім пагражае да 15 гадоў пазбаўленьня волі.
