Першыя выбары прэзыдэнта Беларусі адбыліся 10 ліпеня 1994, у іх удзельнічалі 6 кандыдатаў. У другім туры перамог А.Лукашэнка, набраўшы 80, 1 % галасоў. 9 верасьня 2001 прайшлі другія прэзыдэнцкія выбары з удзелам трох кандыдатаў, у якіх Лукашэнка, паводле ЦВК, атрымаў 75, 62 %. 17 кастрычніка 2004 на рэфэрэндуме было зьнятае абмежаваньне з колькасьці прэзыдэнцкіх тэрмінаў. 19 сакавіка 2006 Лукашэнка быў абвешчаны пераможцам трэціх выбараў, у якіх удзельнічалі 4 кандыдаты, з вынікам 82.6 %