Так адказаў старшыня Аб'яднанай грамадзянскай партыі Анатоль Лябедзька на паведамленьне пра тое, што Рада Беларускага незалежніцкага блёку накіравала яму зварот з запрашэньнем АГП далучыцца да адзінага сьпісу кандыдатаў на мясцовых выбарах.
У размове са “Свабодай” спадар Лябедзька адзначыў:
“Кіраўніцтва партыі лічыць, што гэтае пытаньне мы будзем максымальна дэлегаваць у рэгіёны, паколькі гэта – мясцовыя выбары. І мы за тое, каб быў адзіны сьпіс прыхільнікаў пераменаў. У гэтым рэчышчы вытрымана рашэньне шырокай кааліцыі Гомельскай вобласьці. Яны за тое, каб там, дзе гэта мажліва, максымальна рэалізаваць формулу “адна акруга – адзін кандыдат”. І гэта, відаць, больш прагматычны падыход”.
15 лістапада адбылося першае паседжаньне Рады Беларускага незалежніцкага блёку. Асноўным пытаньнем у парадку дня была падрыхтоўка да мясцовых выбараў. Дасягнутая прынцыповая дамоўленасьць аб фармаваньні адзінага сьпісу кандыдатаў на мясцовых выбарах 2010 году. Таксама прынятае рашэньне прапанаваць іншым палітычным суб'ектам, што падзяляюць агульныя з удзельнікамі БНБ каштоўнасьці, далучыцца да адзінага сьпісу. Ад імя Рады БНБ сёньня старшыня Партыі БНФ Аляксей Янукевіч накіраваў старшыні АГП Анатолю Лябедзьку зварот з запрашэньнем АГП далучыцца да адзінага сьпісу кандыдатаў на мясцовых выбарах.
Прэзэнтацыя БНБ адбылася 27 кастрычніка. Новы блёк утвараюць Рух “За свабоду”, Партыя БНФ, “Малады фронт”, аргкамітэты ў стварэньні партыяў Беларуская хрысьціянская дэмакратыя і Партыі свабоды і прагрэсу, “Правы альянс”, “Маладая Беларусь”, “Маладыя дэмакраты”.
У размове са “Свабодай” спадар Лябедзька адзначыў:
“Кіраўніцтва партыі лічыць, што гэтае пытаньне мы будзем максымальна дэлегаваць у рэгіёны, паколькі гэта – мясцовыя выбары. І мы за тое, каб быў адзіны сьпіс прыхільнікаў пераменаў. У гэтым рэчышчы вытрымана рашэньне шырокай кааліцыі Гомельскай вобласьці. Яны за тое, каб там, дзе гэта мажліва, максымальна рэалізаваць формулу “адна акруга – адзін кандыдат”. І гэта, відаць, больш прагматычны падыход”.
15 лістапада адбылося першае паседжаньне Рады Беларускага незалежніцкага блёку. Асноўным пытаньнем у парадку дня была падрыхтоўка да мясцовых выбараў. Дасягнутая прынцыповая дамоўленасьць аб фармаваньні адзінага сьпісу кандыдатаў на мясцовых выбарах 2010 году. Таксама прынятае рашэньне прапанаваць іншым палітычным суб'ектам, што падзяляюць агульныя з удзельнікамі БНБ каштоўнасьці, далучыцца да адзінага сьпісу. Ад імя Рады БНБ сёньня старшыня Партыі БНФ Аляксей Янукевіч накіраваў старшыні АГП Анатолю Лябедзьку зварот з запрашэньнем АГП далучыцца да адзінага сьпісу кандыдатаў на мясцовых выбарах.
Прэзэнтацыя БНБ адбылася 27 кастрычніка. Новы блёк утвараюць Рух “За свабоду”, Партыя БНФ, “Малады фронт”, аргкамітэты ў стварэньні партыяў Беларуская хрысьціянская дэмакратыя і Партыі свабоды і прагрэсу, “Правы альянс”, “Маладая Беларусь”, “Маладыя дэмакраты”.
