Што для вас свабода?
Свабода асобнай душы і нацыі ў цэлым, неабходны стан і ўмовы разьвіцьця і трываласьці асобы, народу, дзяржавы, культуры.
Што найбольш абмяжоўвае вашу свабоду?
Яе адсутнасьць.
Што для вас шчасьце?
Працаваць у галіне мастацтва, якім я ўжо авалодаў. Бачыць разумнымі, адукаванымі і культурнымі сваіх дзяцей і ўнукаў.
Чаго вы найбольш баіцеся?
Здрады, неабавязковасьці, бескультур’я.
Які талент вы хацелі б мець?
Такі, якім ужо валодаю. Але яшчэ хацеў бы граць на фартэпіяна.
Кім з сучасьнікаў вы захапляецеся?
Ларысай Геніюш, Васілём Быкавым, Зянонам Пазьняком.
Што вы найбольш любіце рабіць?
Працаваць у сваёй майстэрні і вандраваць па Вялікім Княстве Літоўскім, слухаць тагачасную музыку.
Калі б можна было пражыць жыцьцё яшчэ раз, што б вы зьмянілі?
Я больш шанаваў бы сваіх бацькоў, асабліва маму, і часьцей прасіў бы ў іх прабачэньня.
Якую найлепшую параду вы атрымалі?
Ад Лявона Баразны: больш займацца мастацтвам.
Які ваш улюбёны дэвіз?
Ня крыўдзі слабейшых.
У якой палітычнай сыстэме вы хацелі б жыць?
Пры разьвітым капіталізьме, як у Швэцыі.
У якой краіне вы хацелі б жыць?
У Вялікім Княстве Літоўскім, і хаця б тыдзень – у Літоўскім Каралеўстве, у Наваградзкім замку, каб з натуры намаляваць Міндоўга, ягоную жонку і сыноў.
У якую эпоху вы хацелі б жыць?
У эпоху Мікалая Радзівіла Чорнага і Мікалая Радзівіла Рудога, каб прыняць удзел у Адраджэньні ВКЛ.
Калі б вы сталі кіраўніком Беларусі, што б зрабілі найперш?
Рабіў бы ўсё, каб краіна вярнулася на дэмакратычны шлях разьвіцьця, вярнуў бы беларускай мове статус адзінай дзяржаўнай, а Канстытуцыі – недатыкальнасьць.
Якія адносіны Беларусь павінна мець з Эўразьвязам?
Самыя шчыльныя, узаемавыгодныя.
Якія адносіны Беларусь павінна мець з Расеяй?
Роўныя, партнэрскія.
Некаторыя думаюць так: “Хай дыктатура, абы свая”. А Вы?
Гэта сьмешна! У Румыніі не зьбівалі за румынскую мову, румынскія школы ды газэты не зачынялі…
Калі і як у Беларусі зьменіцца ўлада?
Гэтага ніхто ня ведае.
Калі беларусы загавораць па-беларуску?
Калі наша дзяржава стане нацыянальнай па духу і сутнасьці.
Што будзе, калі беларусы не загавораць па-беларуску?
Загавораць! Абавязкова.
Свабода асобнай душы і нацыі ў цэлым, неабходны стан і ўмовы разьвіцьця і трываласьці асобы, народу, дзяржавы, культуры.
Што найбольш абмяжоўвае вашу свабоду?
Яе адсутнасьць.
Што для вас шчасьце?
Працаваць у галіне мастацтва, якім я ўжо авалодаў. Бачыць разумнымі, адукаванымі і культурнымі сваіх дзяцей і ўнукаў.
Чаго вы найбольш баіцеся?
Здрады, неабавязковасьці, бескультур’я.
Які талент вы хацелі б мець?
Такі, якім ужо валодаю. Але яшчэ хацеў бы граць на фартэпіяна.
Кім з сучасьнікаў вы захапляецеся?
Ларысай Геніюш, Васілём Быкавым, Зянонам Пазьняком.
Што вы найбольш любіце рабіць?
Працаваць у сваёй майстэрні і вандраваць па Вялікім Княстве Літоўскім, слухаць тагачасную музыку.
Калі б можна было пражыць жыцьцё яшчэ раз, што б вы зьмянілі?
Я больш шанаваў бы сваіх бацькоў, асабліва маму, і часьцей прасіў бы ў іх прабачэньня.
Якую найлепшую параду вы атрымалі?
Ад Лявона Баразны: больш займацца мастацтвам.
Які ваш улюбёны дэвіз?
Ня крыўдзі слабейшых.
У якой палітычнай сыстэме вы хацелі б жыць?
Пры разьвітым капіталізьме, як у Швэцыі.
У якой краіне вы хацелі б жыць?
У Вялікім Княстве Літоўскім, і хаця б тыдзень – у Літоўскім Каралеўстве, у Наваградзкім замку, каб з натуры намаляваць Міндоўга, ягоную жонку і сыноў.
У якую эпоху вы хацелі б жыць?
У эпоху Мікалая Радзівіла Чорнага і Мікалая Радзівіла Рудога, каб прыняць удзел у Адраджэньні ВКЛ.
Калі б вы сталі кіраўніком Беларусі, што б зрабілі найперш?
Рабіў бы ўсё, каб краіна вярнулася на дэмакратычны шлях разьвіцьця, вярнуў бы беларускай мове статус адзінай дзяржаўнай, а Канстытуцыі – недатыкальнасьць.
Якія адносіны Беларусь павінна мець з Эўразьвязам?
Самыя шчыльныя, узаемавыгодныя.
Якія адносіны Беларусь павінна мець з Расеяй?
Роўныя, партнэрскія.
Некаторыя думаюць так: “Хай дыктатура, абы свая”. А Вы?
Гэта сьмешна! У Румыніі не зьбівалі за румынскую мову, румынскія школы ды газэты не зачынялі…
Калі і як у Беларусі зьменіцца ўлада?
Гэтага ніхто ня ведае.
Калі беларусы загавораць па-беларуску?
Калі наша дзяржава стане нацыянальнай па духу і сутнасьці.
Што будзе, калі беларусы не загавораць па-беларуску?
Загавораць! Абавязкова.
