Прэзыдэнты прыбылі ў Кішынёў на саміт ачольнікаў краінаў СНД, які пачынаецца сёньня. Паводле амбасадара Злучаных Штатаў у Малдове Робэрта Брадткэ, прэзыдэнты Армэніі Сэрж Саркісян і Азэрбайджану - Ільхам Аліеў дасягнулі ў выніку размовы істотнага прагрэсу. Расейскі амбасадар у Малдове Юры Мерзьлякоў паведаміў, што прэзыдэнты ў бліжэйшы час сустрэнуцца для працягу дыялёгу.
Злучаныя Штаты, Расея і Францыя ўваходзяць у "Менскую групу" краінаў, якая пасярэднічае ў дыялёгу. Група была названая паводле міжнароднай канферэнцыі па Нагорным Карабаху, якая прайшла ў Беларусі ў 1995-ым годзе.
Армянска-азэрбайджанскі ваенны канфлікт таксама паслужыў прычынай разрыву дыпляматычных паміж Армэніяй з Турэччынай. Працэс нармалізацыі стасункаў паміж Ераванам і Стамбулам распачаўся толькі сёлета.
Заўтра ў Швэйцарскім Цурыху мае прайсьці ўрачыстая цырымонія падпісаньня турэцка-армянскага пагадненьня аб узнаўленьні дыпляматычных сувязяў. Чакаецца таксама, што будзе прынята рашэньне аб адкрыцьці мяжы паміж дзьвюмя краінамі.
Злучаныя Штаты, Расея і Францыя ўваходзяць у "Менскую групу" краінаў, якая пасярэднічае ў дыялёгу. Група была названая паводле міжнароднай канферэнцыі па Нагорным Карабаху, якая прайшла ў Беларусі ў 1995-ым годзе.
Армянска-азэрбайджанскі ваенны канфлікт таксама паслужыў прычынай разрыву дыпляматычных паміж Армэніяй з Турэччынай. Працэс нармалізацыі стасункаў паміж Ераванам і Стамбулам распачаўся толькі сёлета.
Заўтра ў Швэйцарскім Цурыху мае прайсьці ўрачыстая цырымонія падпісаньня турэцка-армянскага пагадненьня аб узнаўленьні дыпляматычных сувязяў. Чакаецца таксама, што будзе прынята рашэньне аб адкрыцьці мяжы паміж дзьвюмя краінамі.
