Візавыя санкцыі былі ўведзеныя пасьля сфальшаваных выбараў прэзыдэнта ў красавіку 2006 года супраць 41 беларускага чыноўніка ўключна з А.Лукашэнкам.
Ад сёньня санкцыі прыпыненыя адносна большасьці гэтых людзей, у тым ліку А.Лукашэнкі. Візавыя санкцыі застаюцца ў сіле адносна 4 фігур, адказных за зьнікненьні апанэнтаў беларускага рэжыму і старшыні ЦВК Лідзіі Ярмошынай, паведамляе AFP.
Прыпыненьне санкцыяў будзе перагледжана праз шэсьць месяцаў, за гэты час мяркуецца ацаніць, якія зрухі ў дэмакратызацыі зробленыя беларускімі ўладамі.
