“Я мяркую, гэта невыпадкова. Я думаў, што гэта будзе напрыканцы выбараў, але вызвалілі раней. Безумоўна, гэта зьвязана з тым, што ўладзе вельмі залежыць на тым, каб былі ацэнены пэўныя зрухі ў дэмакратызацыі, лібэралізацыі Беларусі, - мяркуе Аляксандар Мілінкевіч.
Трэба падзяку ўсім сказаць... Безумоўна, вялікая роля Эўразьвязу і ЗША.
“Я вітаю гэта рашэньне. Я вельмі задаволены, шчасьлівы, бо калі ў нас ня будзе палітвязьняў, то гэта, безумоўна, зьменіць сытуацыю ў краіне на лепшае.
Калі Казулін будзе на волі, то мы мусім змагацца ня менш моцна за іншых. Безумоўна, Казулін больш вядомы і прабыў больш за іншых. Але мы не можам пакінуць за полем увагі іншых і будзем змагацца таксама й за іх вызваленьне. Веру, што гэта таксама адбудзецца”.
А.Мілінкевіч заявіў, што за вызваленьне А.Казуліна змагаліся ня толькі за межамі Беларусі:
“Я думаю, што трэба падзяку ўсім сказаць. І тысячам людзей, якія тут змагаліся за вызваленьне А.Казуліна. Безумоўна, вялікая роля Эўразьвязу і ЗША. Салідарнасьць усіх гэтых сілаў, як паказвае жыцьцё, дае вынік. Гэта вельмі важна”.
Спадар Мілінкевіч выказаў пажаданьне, каб А.Казулін застаўся ў палітыцы:
“Ён чалавек вядомы, мае аўтарытэт і падтрымку і нельга, каб ён сыходзіў з палітыкі. Я веру, што сваім патэнцыялам А.Казулін узмоцніць дэмакратычны рух на Беларусі”.
