Спадар Воўчак зьвяртае ўвагу на тое, што справа была распачатая падчас абвастрэньня стасункаў паміж афіцыйным Менскам і ЗША і спадар Зэльцэр стаў закладнікам гэтых стасункаў:
“Ён закладнік. Ён проста прыляцеў ня ў той момант, пры абвостраных палітычных адносінах. І таму ён пакуль што будзе знаходзіцца ў турме. Хаця яго можна было выпусьціць пад падпіску аб нявыезьдзе, дзеля гэтага ёсьць дастаткова падстаў у беларускім заканадаўстве. Тым больш, што нядаўна выпусьцілі пад заклад гендырэктара гандлёвага дому “Ждановічы”. Тым больш устаноўлена, што Зэльцэр хворы чалавек, і з гуманных мэтаў яго можна было выпусьціць”.
Паводле Алега Воўчака, у Беларусі ўсе судовыя працэсы, дзе шмат няяснасьці і недакладнасьцяў заўсёды робяць закрытымі:
“Чаму зрабілі закрытым? Бо там няма яго віны. Мяркуючы па ўсім, справа шытая “белымі ніткамі”.
