Паводле Рубіны Мёрынг, нядаўна ратыфікаваны беларускімі парлямэнтарамі новы закон аб СМІ, узмацняе дзяржаўны кантроль над усімі мэдыямі, уключна з Інтэрнэт-выданьнямі, і адначасна аблягчае ўмовы для закрыцьця ўладамі крытычных крыніц інфармацыі.
Аўстрыйскія “рэпартэры” спасылаюцца на крытыку закону з боку Эўракамісіі і прыводзяць ў гэтай сувязі пазыцыю эўракамісару Бэніты Фэрэра-Вальднэр. Паводле яе словаў, свабода СМІ па-ранейшаму з’яўляецца “істотным элемэнтам дэмакратыі”, які ані ў якой краіне ня мусіць неабдумана ставіцца на карту.
