Выдача візаў у амэрыканскім пасольстве і разгляд новых заявак былі прыпыненыя 19 сакавіка. Гэта было выклікана патрабаваньнямі беларускага МЗС аб скарачэньні штату пасольства ЗША ў Менску.
Пад ціскам беларускіх уладаў тэрыторыю Беларусі цягам мінулай серады і чацьвярга пакінула амаль палова супрацоўнікаў пасольства ЗША. На гэты момант там працуе 17 дыпляматаў, столькі ж, колькі ў беларускім пасольстве ў Вашынгтоне.
