Красуцкі: “Гэта цалкам прымальныя ў дыпляматычнай практыцы захады. У дадзеным выпадку прэзыдэнт загадзя абвясьціў, што калі будуць зробленыя дадатковыя захады, Беларусь адрэагуе адэкватна. На гэта нас вымусіў амэрыканскі бок. Калі захады былі ўжытыя амэрыканцамі, наш урад вызначыўся ў такой форме.
Ня бачу ніякай трагедыі і ня бачу ніякага надзвычайнага здарэньня. Пачатак гэтых дзеяньняў быў пакладзены не беларускім бокам, а амэрыканскім. Былі спробы знайсьці кампраміс, але, на жаль, гэта не атрымалася. Гэты крок у пэўнай ступені вымушаны, і ўрэшце, магчыма, ён паспрыяе пошуку нейкага ўзаемнага кампрамісу. На гэта, паўтаруся, вымусіў нас амэрыканскі бок, гэта першапачаткова былі ня нашы дзеяньні”.
